• Register
+ ---

Quick Gun தமிழில் வாசகர்கள் பங்கு பெரும் முதன்மை கேள்வி பதில் களஞ்சியம். உங்களால் உருவாக்கப்பட்டு உங்களால் செயல்படுகிறது. கேள்வி கேளுங்கள். பதில் பெறுங்கள். தெரிந்தவற்றிற்கு பதில் கூறி மற்றவர்களுக்கு உதவுங்கள்.

எபோலா வைரஸ்

0 votes

'எபோலா' என்கிற வைரஸ் இந்தியாவை தாக்குமா? இது எப்படி பரவுகிறது? இந்த நோயினால் ஏற்படும் பாதிப்பு என்ன?

asked Aug 8, 2014 in நோய் அறிகுறிகள் by parthiban (15,490 points)
   

2 Answers

0 votes

ஆப்பிரிக்கா கண்டத்தின் வடக்குப் பகுதியில் உள்ள லைபீரியா, கினியா, சியரா லியோன் ஆகிய நாடுகளில் எபோலா எனும் வைரஸ் தாக்குதலுக்கு இதுவரை சுமார் 1000 பேர் பலியாகியுள்ளனர்.

எபோலா வைரஸ் கிருமி, ரத்தம், உமிழ் நீர், வியர்வை போன்ற உடலில் உள்ள திரவங்களின் மூலம் மற்றவர்களுக்கு பரவும் தன்மை கொண்டது. காய்ச்சல், உடல் சோர்வு, உடல் வலி, வயிற்றுப்போக்கு போன்ற சாதாரண காய்ச்சலுக்குரிய அறிகுறிகளே காணப்படும்.

அதிக பாதிப்பு உள்ளோருக்கு உடலின் உட்புறத்தில் ரத்தக்கசிவு, சிலருக்கு வெளிப்புறத்திலும் ரத்தக்கசிவு ஏற்படும். சிறுநீரகம், கல்லீரலின் செயல்பாடுகள் பாதிக்கப்பட்டு உயிரிழக்கும் அபாயம் ஏற்படும். சிக்குன் குனியா, டெங்கு காய்ச்சலைப் போன்ற அறிகுறிகள் தென்பட்டாலும் இது கடுமையான விளைவுகளை ஏற்படுத்தும்.

ஆப்பிரிக்க நாடுகளில் எபோலா வைரஸ் நோய் பரவி வருவது குறித்து உலக சுகாதார நிறுவனம் பிற நாடுகளுக்கு எச்சரிக்கை விடுத்துள்ளது. ஆப்பிரிக்க நாடுகளுக்கு பயணம் செய்வதோ அல்லது ஆப்பிரிக்க நாடுகளில் இருந்து பிற பகுதிகளுக்கு பயணம் மேற்கொள்வதையோ தவிர்க்குமாறும் அறிவுறுத்தியுள்ளது.

நோய் குறித்து சந்தேகமா?

எபோலா வைரஸ் குறித்த சந்தேகங்கள், புகார்களுக்கு இலவசத் தொலைபேசி எண்கள் அறிவிக்கப்பட்டுள்ளன.

இது குறித்து சுகாதாரத் துறை அதிகாரிகள் கூறியது:

தமிழகத்தில் எபோலா வைரஸ் குறித்த பாதிப்புகள் எங்கும் இல்லை. எனினும், இது தொடர்பான சந்தேகங்களுக்கு தெளிவு பெறவும், புகார்களைத் தெரிவிக்கவும் 24 மணி நேரமும் செயல்படும் கட்டுப்பாட்டு அறையை பொது சுகாதாரத் துறை அமைத்துள்ளது.

இந்தக் கட்டுப்பாட்டு அறையை பொதுமக்கள் தொடர்பு கொள்ளலாம். கட்டுப்பாட்டு அறையை தொடர்பு கொள்ள வேண்டிய தொலைபேசி எண்கள் 044-2345 0496, 2433 4811.

சந்தேகங்களுக்கு... எபோலா வைரஸ் குறித்த சந்தேகங்களுக்கு தமிழக அரசின் 104 மருத்துவ உதவி சேவை மையத்தைத் தொடர்பு கொள்ளலாம். எபோலா வைரஸ் குறித்த சந்தேகங்களுக்கு பொதுமக்கள் தொடர்பு கொண்டால், எபோலா அறிகுறிகள் தென்பட்டால் என்ன செய்ய வேண்டும் என்பது போன்ற தவல்களைத் தெரிவிக்குமாறு 104 சேவை மைய ஊழியர்களுக்குத் தெரிவிக்கப்பட்டுள்ளது.

அச்சத்தின் பேரில் தொடர்பு கொள்பவர்களுக்கு எபோலா பாதிப்பு தமிழகத்தில் இல்லை என்பதை எடுத்துக் கூறும் படியும் ஊழியர்களுக்கு அறிவுறுத்தப்பட்டுள்ளது என அவர்கள் தெரிவித்தனர்.

answered Aug 11, 2014 by veeramani (6,006 points)
0 votes

உலகத்தையே உலகையே அச்சுறுத்திக் கொண்டிருக்கும் எபோலா வைரஸ் காய்ச்சல் பற்றிய தகவல்களும் அவற்றின் அறிகுறிகளும் மற்றும் அவற்றை தடுக்கும் வழிமுறைகளும் :-
( படிக்கும் அனைவரும் share செய்யவும் நன்றி )
1976 இல் ஆப்பிரிக்காவில் பல உயிர்களை வாங்கிய ஒரு கொடிய உயிர்க்கொல்லி நோய் தான் எபோலா வைரஸ். இந்த வைரஸ் மேற்கு ஆப்பிரிக்காவில் காங்கோவில் உள்ள எபோலா ஆற்றங்கரையில் தோன்றியதால் இந்த நோய்க்கு, 'எபோலா வைரஸ்' என, பெயர் வந்தது. இதுவரை ஆப்பிரிக்காவில் பரவி பல மக்களை கொன்றுள்ளது.
ஏனெனில் ஆப்பிரிக்காவில் இந்த நோயால் தாக்கப்பட்டவர்கள் உயிர் பிழைத்தது இல்லை. மேலும் இதற்கு இன்னும் போதிய மருந்துகளும் கண்டுபிடிக்கப்படாததால், இந்த நோயினால் தாக்கப்பட்டால் மரணத்தைக் கூட தழுவக்கூடும். எபோலா வைரஸ் நோயானது காற்று, நீர் போன்றவற்றினால் பரக்கூடியது அல்ல. விலங்குகளான குரங்கு, வௌவால் மூலம் மனிதர்களுக்கு பரவும். மேலும்ம் இந்த வைரஸால் தாக்கப்பட்டவர்களின் இரத்தம் மற்றும் மலத்தில் இருந்து மற்ற மனிதர்களுக்கு இந்த வைரஸ் பரவுகிறது.
இப்போது இந்தியாவில் பரவியுள்ளதாக கூறப்படும் இந்த எபோலா வைரஸின் அறிகுறிகள் மற்றும் அந்த நோய் பரவுவதை எப்படி தடுப்பது என்று பார்ப்போம். முக்கியமாக இந்த நோய் தாக்கி இதன் அறிகுறிகள் தெரிய 5-21 நாட்கள் ஆகும். ஆகவே கவனமாக இருங்கள்.
எபோலா வைரஸின் ஆரம்ப அறிகுறிகள்...
* எபோலா வைரஸ் தாக்கியிருந்தால், முதலில் காய்ச்சல் வரக்கூடும்.
* காய்ச்சலைத் தொடர்ந்து உடல் எப்போதும் மிகவும் சோர்வுடன் வலிமை இல்லாமல் இருக்கும்.
* குறிப்பாக தலைவலி வரும்.
* வைரஸ் தாக்குதலால் தொண்டையில் புண் ஏற்படும்.
* கடுமையான தசை மற்றும் மூட்டு வலி வந்து, பெரும் தொந்தரவைத் தரும்.
நோய் முற்றிய நிலையில்....
* எதை சாப்பிட்டாலும் வாந்தி வரக்கூடும்.
* வயிற்று வலி வந்தால் சாதாரணமாக எடுத்துக் கொள்ள வேண்டாம். ஏனெனில் எபோலா வைரஸ் தாக்கியிருந்தால் கடுமையான வயிற்று வலி வரும்.
* அதிகளவு வயிற்றுப்போக்கு ஏற்படக்கூடும்.
* அதைத் தொடர்ந்து சருமத்தில் அரிப்புகளும், கட்டிகளும் ஏற்படும்.
* குறிப்பாக சிறுநீரகம் மற்றும் கல்லீரல் செயலிழக்க ஆரம்பிக்கும்.
* சிலருக்கு நெஞ்சு வலி வரும்.
* மூச்சு விடுவதில் கூட சிலருக்கு சிரமம் ஏற்படும்.
* உடலின் உட்புறம் மற்றும் வெளிப்புறங்களில் இரத்தம் வழிய ஆரம்பிக்கும். அதுமட்டுமின்றி கண்கள் சிவப்பாகவும், அடிக்கடி விக்கல் ஏற்படும்.
எபோலா நோய் பரவுவதை தடுக்கும் வழிகள்.....
* நோயால் பாதிக்கப்பட்டவர்களின் அருகில் அதிகம் செல்வதை தவிர்க்க வேண்டும்.
* முக்கியமாக அந்நோயால் பாதிக்கப்பட்டால், அவர்களின் அருகில் செல்லும் போது கையுறை மற்றும் முகத்திற்கு மாஸ்க் அணிந்து கொண்டு அவர்களை பார்த்துக் கொள்ள வேண்டும். ஏனெனில் அவர்களின் இரத்தம் உங்கள் மீது பட்டாலும் உங்களுக்கும் இந்நோய் தொற்றிக் கொள்ளும்.
* எப்போதும் எந்த ஒரு பொருளை உட்கொள்ளும் முன்னர் கைகளை நன்கு சோப்பு போட்டு கழுவி விட வேண்டும்.
குறிப்பு.......
இந்த நோயை முற்றிலும் குணப்படுத்த சரியான மருந்துகள் கண்டுபிடிக்கப்படாவிட்டாலும், உடலில் அந்த வைரஸை எதிர்த்துப் போராடும் வண்ணம் மருத்துவர் கொடுக்கும் மருந்துகளை தொடர்ந்து எடுத்து வந்தால், இந்த உயிர்க்கொல்லி நோயின் தாக்குதலில் இருந்து வெளிவரலாம்.
( படிக்கும் அனைவரும் share செய்யவும் நன்றி )

answered Aug 15, 2014 by veeramani (6,006 points)
...